‘ मी’ आणि आपण सगळेच

'मी' सांगत असतो नेहमीच

अपेक्षा धरतो प्रशंसेची,

 दुसऱ्यांसोबत चांगला वागताना,

 प्रतारणा करित असतो स्वतःशीच

‘मी’ खोटं बोलतो स्वतःशीच,

त्याच्या आभासी दुनियेत नेहमीच असतो अपराजित, 

सत्य उमजूनही समजून न घेता,

प्रतारणा करित असतो स्वतःशीच. 

‘मी’ हसतो, ‘मी’ रडतो, 

‘मी’ रागावतो, ‘मी' प्रेम करतो, 

स्वतःशीच 

‘मी’ झाकोळुन टाकतो 'स्व' ला,

 विचारून बघता स्वतःला,

 वाटे ‘मी’ च उत्तर देईल कदाचित,

कारण ‘मी' प्रतारणा  करित असतो स्वतःशीच!

©